Desa Padangbulia

Om Swastyastu,

Bahasa pinaka dasar ngrajegang adat miwah Budaya utamane Bahasa Bali. Manut pablibagan Sang Awengku Rat Kasarengin antuk Para Jana Sane wikan-wikan raris kacumpuin indik parikrama Wanti Bulan Bahasa Bali nyabran Warsan nemonin Sasih Pebruari. Kalaksanayang Buda Umanis 24 Pebruari 2021. Tema “Sabdaning Taru Mahottama”.

Inggian ring parikrama Wimbakara Bulan Bahasa Bali Warsa 2021 sane kelaksanayang, inggih punika :

1. Wimbakara Pidarta Bahasa Bali Duta Kelian Banjar Adat miwah Dusun sajebag Desa Padangbulia malarapan antuk wimbakara puniki dumogi para Kelian Banjar Adat miwah Dusun Prasida dados contoh ritatkala mabebaosan ring Desa Padangbulia utawi ring Dura Desa.
2. Wimbakara Masatua Bali Duta Ibu PKK pantaraning Banjar Adat sajebag Desa Padangbulia. Tatujon Wimbakara puniki nenten siyos pinaka cihna Desa Padangbulia sareng ngrajegang satua-satua Bali santukan sastra-sastra punika akeh madaging piteket-piteket kaicen majeng ring alit-alit.
3. Wimbakara Mabebasan Duta Krama Pantaraning Banjar Adat sajebag Desa Adat Padangbulia. Tatujon Wimbakara puniki inggih punika maka cihna benjang pungkur Desa Adat Padangbulia icen wantuan ring sajeroning soang-soang Banjar Adat Sajebag Desa Adat Padagbulia baga pawongan indik wangun sekaa santi manut sekadi pawarah-warah saking Bapak Gubernur Bali silih sinunggil baga pawongan wantuan sane kapaica mantuka ring Desa Adat Sajebag Bali.

Dahat suksma aturang tityang penyuluh Bahasa Bali majeng ring para manggala acara, Dane I Gusti Nyoman Bisana, Dani I Gusti Ketut Semara (Kelian Desa), Para Uleman, Para Pemilet miwah sane lianan sane tan prasida tityang tarka saha siki.

Om Santih, Santih,Santih Om